يومــــيــات. مسعـــــود و مسعـــــودة(1)

قال AmiR@RoRo:

السلام عليكم
هههههه قريب نحسب راني نتفرج ففليم امريكي ولا تركي ولا هندي ههه
عرف كيفاش يوصللها الميساج بطريقة اخلاقية خخخخ
بصح مسعود تع صح الصح الجزايري ما يوصلش حتى يطبق هاد الشي باش تفهم عليه ههه
يصبح يبحلط عليها يقلها ها وش ديري ها وش ديري وادا ما خدمتيش نيشان الطلاق يستنى فيك هههه
صحيت خويا أمين ~

إضغط للتوسيع...

قال سكون الفجر:

يااااااااه وانا قلت كل هاد الدلال مش معقول بالمررررة، يعني دلال وغنج ودلع
ويا عيني على مسعود هاد، ياخي هاد الرجل اكيد انقرض من زمان ( اقصد شكل مسعود الاول)
اما مسعودة مممم اظنها تستاهل هاد الدلال كونها عروسة
هههههههه بس النهاية قوية، طلع الجانب العصبي تبعوو

تسلم ايديك خيو الامين
بارك الله فيك على الفكرة الظريفة
دمت بحفظ الله

إضغط للتوسيع...

قال حاملة القرءان:

ياو بالشوي قلبي الصغير لايتحمل
زدت شوي أمنت بلي راني في ألجيريا

ألوغ احترم مشاعرنا شوي

ههههههههههههههههه:d

إضغط للتوسيع...

قال Hiba habouba:

صدمة
بقيت مخلوعة و ممامناش عندنا كيفه في دزاير
حتى نفجرت القنبلة مع تالي
ههههههههههههههههههههههههههههه قلت سور كاش كادو لوطو و لا سنسلة دهب صحا هداك الباب لي يخرج منه
نصيحتي ليك يا مسعودة ماعليك غير بدوا تاع الفار و الطومبا خطرة وحدة في غرفية تاع حريرة و تتهني منه

إضغط للتوسيع...

قال شاعرة الأمل:

شكرا اخي مسعود على الموضوع اودي امين
الله غالب سمحلي تالمن رحت مع القصة قريب وليت حريرة
ايه يوميات رايعة تاع الشعب الجزائري بصح انا مانظنش انهم صح يوصلو الافكار بهاذ الطريقة
يرسلها العياط معا يماه نهار تروح تخطب مايستناش حتى يجيبها
بارك الله فيك اخي عالموضوع
في انتظار المزيد من روائعك
تقبل مروري وماتقبشليش مشاعري كيما دارو دوك الناس وكيلهم ربي ههههههه
سلام​

إضغط للتوسيع...

قال dalal dodo:

والله غير4444444444 حسيت روحي نتفرج في فيلم
وراني نستنا المزيد من حياة مسعود ومسعودة

إضغط للتوسيع...

قال شتيلا:

موضوع حساس وجميل طرحه
لو تفهم مسعودة ان دوام الحال من المحال
شكرا لك على الطرح المميز

إضغط للتوسيع...

قال Malika Tlm:

السلام عليكم
يعطيك الخير خاي محمد
مسكينة مسعودة فرحت وامنت وفالتالي ههههههه
بعدا هدا وصلها الميساج بطريقة حضارية
رانا نسناو الحلقات الجايين نتاعهم ههه
تحياتي

إضغط للتوسيع...

قال أم ياسمينdz:

وعليكم السلام انا صدقت قلت من هذا الزوج الرومانسي ههههههههه
ظهر كان مسعود يعلم في مسعودة برك باه تفهم الدّرس
ماينة من مسعود ههه

يعطيك الصحة اخي

إضغط للتوسيع...

قال زهرة الزنبق:

السلام عليكم اهلا وسهلا
ايييه خويا امين والله انا نسمع ونقول والله يا المسعود وين راك اذا تتزوج بيها دوزيام فام راني قابلة بكل فرح وسرور مي لما قريت كيفاه خلاصت راه مطلق مسعود من عندي وعلاه المرا مش دير كل هذا كل يوم انت تحكي على النسا المعفونات اللي راقدة لل 12 ودارها معفونة مي ما نظنش مرا عندها اولاد ومسؤولية تخلي دارها هكذاك وزيد وعلاه الراجل يدو طايرة حتى تديه حتى للدوش شوف اسيدي وتنوضو بحنانة وحب حتى لو ديرها ماراحش يقر مهما دير
حبيت يوميات مسعود ومسعودة انا نقولك
مسعودة قالت لمسعود نوض تقيا شاف فيها دهش واشبيك قاتلو قتلك تقيا خف راحت معاه لادوش رجع يقي فروحو قلبو خرج كل ما يتقيا تقول زيد ايا داتو بعدها للشمبرة اتكسل تكشل وقاتلو تقلب وبدا تتوجع مسعود مدهوش واش كاين هبلت قتلك يا الله بدا مسعود يتقلب مناو منا وماراه فاهم فيها والو
نوضاتو ايا نوض تشوف جابتلو مخدة ديرها فكرشك قالها اواه سبيطار المهابل هبلت عيطت عليه ايا
ديرها قتلك
دار مسعود المخدة وقاتلو يا الله امشي قدامي وتعلم فيه يمشي ويروج ويجي فالدار وهي تعيط شهيق زفير شهيق زفير
شهييييييييييق زفييييييييييييييييييييير وجهو رجع حمر وتضرب فيه توجعت او لالا وهي يعيط آآآآآآآآه
نزيد او مازال يتوجع قاتلو المرة الجاية تولد فبلاصيتي ما فيكمش الخير امالا ما تزيدش تحل فمك وتقولي نتوما نسا ونتوما نسا وتباتو راقدين ونزيدك لما تولد بات تربي ودير ليكوش وما تعيطليش دبر راسك

اييه مسعودة خلات مسعود يعيش ايام الحمل وعندو الزهر اختصرتهم فدقايق وعلماتو لو يعرف صح الراجل او الاب عظامة انجاب ولد ما يحلوش فمهم

شكرا

إضغط للتوسيع...