ഡെറാഡൂണ്‍: ജോലി വാഗ്ദാനം ചെയ്ത് യുവതിയെ പീഡിപ്പിച്ച ഉത്തരാഖഢ് നിയമസഭാംഗത്തിന് എതിരെ പോലീസ് എഫ്ഐആര് സമര്‍പ്പിച്ചു. നിലവിലെ നിയമസഭാംഗവും മുന്‍മന്ത്രിയുമായ ഹരക് സിങ് റാവത്തിനെതിരെയാണ് പോലീസ് എഫ്ഐആര് സമര്‍പ്പിച്ചിരിക്കുന്നത്.
തനിക്ക് ജോലി വാഗ്ദാനം ചെയ്ത് ഗ്രീന്‍പാര്‍ക്കിലെ വീട്ടിലേക്ക് വിളിച്ച് പീഡനത്തിനിരയാക്കിയെന്നാണ് യുവതി പോലീസിന് പരാതി നല്‍കിയിരിക്കുന്നത്. തുടര്‍ന്ന് നടത്തിയ അന്വേഷണത്തിലാണ് പോലീസ് എഫ്ഐആര് സമര്‍പ്പിച്ചിരിക്കുന്നത്.
2003ല്‍ കോണ്‍ഗ്രസ് മന്ത്രിസഭയില്‍ മന്ത്രിയായിരിക്കെ ഹരക് സിങ് റാവത്തിനെതിരെ ആരോപണവുമായി ഇതേ യുവതി രംംഗത്ത് വന്നിരുന്നു. ഹരക് സിങ് തന്നെ പീഡിപ്പിച്ചെന്നും അതില്‍ ഒരു കുഞ്ഞുണ്ടെന്നുമായിരുന്നു ആരോപണം. തുടര്‍ന്ന് സിബിഐ അന്വേഷണം നടക്കുകയും ഹരക് സിങിന് മന്ത്രി പദം നഷ്ടപ്പെടുകയും ചെയ്തിരുന്നു.
എന്നാല്‍ തനിക്ക് യുവതിയെ പരിചയമുണ്ടെന്നും പക്ഷേ മറ്റാരോപണങ്ങള്‍ തെറ്റാണെന്നുമായിരുന്നു ഹരക് സിങ് സി.ബി.ഐയ്ക്ക് നല്‍കിയ വിശദീകരണം. ഹരീഷ് റാവത്ത് സര്‍ക്കാറിനെതിരെ വന്‍വിമര്‍ശനമുന്നയിച്ച് കോണ്‍ഗ്രസ് പാര്‍ട്ടി വിട്ട എംഎല്‍എമാരില്‍ ഒരാളാണ് ഹരക് സിങ്.
Also Watch
RELATED STORIES
IN CASE YOU MISSED IT
.jpg?$p=298ab5c&f=1x1&w=100&q=0.8)
.jpg?$p=430c1f1&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..