၆၄ ကြိမ်မြောက် မယ်ကမ္ဘာရွေးချယ်ပွဲမှာ အသက် ၂၂ အရွယ် တောင်အာဖရိကအလှမယ်က အနိုင်ရပြီး သရဖူဆောင်းသွားခဲ့ပါတယ်။
ဆေးကျောင်းသူ Rolene Strauss ဟာ တနင်္ဂနွေနေ့က လန်ဒန်မှာကျင်းပတဲ့ အခုနှစ် မယ်ကမ္ဘာရွေးချယ်ပွဲမှာ အနိုင်ရရှိသွားခဲ့တာပါ။ ရုပ်သံကနေ တိုက်ရိုက်လွှင့်ထုတ်တဲ့ အဲဒီရွေးချယ်ပွဲကို ကမ္ဘာအနှံ့က လူသန်းပေါင်းရာနဲ့ချီပြီးတော့ ကြည့်ရှုခဲ့ကြပါတယ်။
ဟန်ဂေရီနိုင်ငံသူ Edina Kulcsar က ဒုတိယ၊ အမေရိကန်ပြည်ထောင်စုကအလှမယ် Elezabeth Safrit က တတိယ ရရှိခဲ့ကြပြီး ဒီပြိုင်ပွဲကို နိုင်ငံပေါင်း ၁၂၀ ကျော်က အလှမယ်တွေ ဝင်ရောက်ယှဉ်ပြိုင်ခဲ့ကြပါတယ်။
ဒီနှစ် မယ်ကမ္ဘာရွေးပွဲကို ဝင်ရောက်ယှဉ်ပြိုင်မယ့် ဟွန်ဒူးရပ်(စ) အလှမယ် Maria Jose Alvarado ပြီးခဲ့တဲ့လအတွင်း သေနတ်နဲ့ ပစ်သတ်ခံခဲ့ရတဲ့ စိတ်မကောင်းစရာ ဖြစ်ရပ်က အခုနှစ်မယ်ရွေးပွဲကို အစွန်းထင်းဖြစ်စေခဲ့ပါတယ်။
Maria နဲ့ သူမရဲ့အမတို့နှစ်ယောက်ဟာ အမဖြစ်သူရဲ့ရည်းစားက သေနတ်နဲ့ပစ်ခတ်ခဲ့တဲ့အတွက် သေဆုံးသွားခဲ့ကြပါတယ်။
