Microsoft-ի զուտ շահույթը եռամսյակի արդյունքում կրճատվել է 13%–ով և 4,54 մլրդ դոլար կազմել
ԵՐԵՎԱՆ, 24 հոկտեմբերի. /ԱՌԿԱ/. Microsoft ամերիկյան կորպորացիայի զուտ շահույթը 2014 թվականի հուլիս–սեպտեմբերին կազմել է 4.54 մլրդ դոլար` նախորդ տարվա 5.24 մլրդ դոլարի դիմաց նվազելով 13 տոկոսով, հաղորդում է Փրայմը` ներկայացնելով ընկերության հաղորդագրությանը։
Microsoft–ի հասույթը հաշվետու եռամսյակում աճել է 25 տոկոսով և հասել է 23.2 մլրդ դոլարի։ Եռամսյակի արդյունքներով, օպերացիոն շահույթը կազմել է 5.84 մլրդ դոլար, ինչը ցածր է նախորդ տարվա նույն ժամանակահատվածի ցուցանիշից 7.7 տոկոսով։
Օգտատիրական սարքերի ստորաբաժանումից (Devices & Consumer) ստացված եկամուտն աճել է 47 տոկոսով` մինչև 10.96 մլրդ դոլար։ Մասնավորապես, ընկերությունը 908 մլն դոլարի հասույթ է ստացել Surface Pro 3 պլանշետների վաճառքից։
Microsoft–ը հաշվետու ժամանակահատվածում վաճառել է նաև Xbox 2.4 մլն խաղային հավելված։
Microsoft կորպորացիան ծրագրային ապահովման աշխարհի խոշորագույն կորպորացիան է։ Պրոդուկտների պորտֆելն ընդգրկում է Windows ընտանիքի ՕՀ–ներ, ծրագրեր Microsoft Office ընտանիքի փաստաթղթերի հետ աշխատելու համար, Skype ծրագիրը, Bing որոնողական համակարգը, ինչպես նաև Xbox խաղային հավելվածները։ Ընկերության բաժնետոմսերն առուվաճառքի են դրված NASDAQ բորսայում, ընկերության կապիտալացումը կազմում է 371 մլրդ դոլար։
-0-
Ծանոթացեք լուրերին առաջինն ու քննարկեք դրանք մեր Telegram-ում
11:38 24.10.2014