Vote buying lalala sa voters receipt
MANILA, Philippines – Lalong lalala ang vote buying at vote selling sa darating na halalan kapag ipinatupad ang desisyon ng Korte Suprema na maglabas ng resibo sa pagboto ng mamamayan.
Ayon kay Parish Pastoral Council for Responsible Voting (PPCRV) chairperson Henrietta de Villa, magreresulta rin ito ng pagnenegosyo sa pagboto dahil may katunayan na ibinoto ang kandidato dahil sa resibo.
Ani de Villa, gagamiting pagpapatunay ito ng mga botante sa kandidato na isa na namang uri ng katiwalian.
Umaasa si de Villa na magkaroon ng pagkakataon na makapag-usap ang Korte Suprema at ang Comelec para maayos na ang gulo sa halalan lalo na at wala ng panahon ang tanggapan dahil sa April 9, 2016, ipatutupad na ang absentee voting.
Nasa mahigit 18,000 ang elective positions at bawat botante ay magsusulat ng mula 25 hanggang 37 kandidato sa kanilang mga balota ngayong halalan.
Una ng nanawagan ang mga obispo ng Simbahang Katolika sa mga botante na huwag ihalal ang mga kandidatong bumili ng boto dahil kapag naluklok ang mga ito sa posisyon, babawiin din nila ang kanilang nagastos sa pangangampanya mula sa bulsa ng taong bayan.
- Latest