Twitter–ի փոխնախագահը Հայաստանի նախագահի հետ «սելֆի» է տեղադրել իր միկրոբլոգում

ԵՐԵՎԱՆ, 17 ապրիլի. /ԱՌԿԱ/. Twitter–ի փոխնախագահ Րաֆֆի Գրիգորյանը (Raffi Krikorian) միկրոբլոգում Հայաստանի նախագահ Սերժ Սարգսյանի հետ «սելֆի» է տեղադրել։

«Նրան անհրաժեշտ է Twitter–ում էջ բացել (need to get a @twitter account for him)»,– լուսանկարի տակ այսպիսի գրառում է կատարել Գրիգորյանը։

Հայաստանի նախագահի մամուլի քարտուղար Արման Սաղաթելյանն ավելի վաղ Twitter միկրոբոլգի իր էջում Գրիգորյանի հետ նախագահի հանդիպումից լուսանկար է տեղադրել, որում նրանք նկարում են հենց «սելֆին»։ Հանդիպման այլ մանրանասներ առայժմ չեն նշվում։

Twitter–ի փոխնախագահ, Երևանի «Թումո» ստեղծարար տեխնոլոգիաների կենտրոնի խորհրդի նախագահ Րաֆֆի Գրիգորյանն ապրիլի 12–ից Հայաստանում է «Թումո» Կենտրոնի հրավերով։ -0-

Ծանոթացեք լուրերին առաջինն ու քննարկեք դրանք մեր Telegram-ում

19:19 17.04.2014