Nokia–ն դադարեցրել է պլանշետի վաճառքները Ռուսաստանում լիցքավորիչի հետ եղած խնդիրների պատճառով

ԵՐԵՎԱՆ, 18 ապրիլի. /ԱՌԿԱ/. Nokia–ն դադարեցրել է Nokia Lumia 2520 պլանշետի վաճառքները Ռուսաստանում սարքի հետ տրվող  AC-300 լիցքավորիչում հայտնաբերած թերության պատճառով։ Բացի այդ, ընկերությունում խորհուրդ են տվել դադարեցնել լիցքավորիչի գործածումն արդեն առկա օգտագործողներին, հաղորդում է cnews.ru–ն։

Ընդհանուր առմամբ, արտադրողը համաշխարհային շուկա է մատակարարել մոտ 30 հազար AC-300 լիցքավորիչներ` նախատեսված բացառապես Lumia 2520 պլանշետի համար։

Բացի Ռուսաստանից, վաճառքները դադարեցվել են Ավստրիայում, Դանիայում, Ֆինլանդիայում, Գերմանիայում, Շվեյցարիայում և Մեծ Բրիտանիայում։ Բացի այդ, ժամանակավորապես դադարեցվել են Lumia 2520 Travel Pack ճանապարհորդությունների պարագաների հավաքածուի վաճառքները, որում նույնպես կա AC-300 լիցքավորիչ։ Այդ հավաքածուն, բացի վերոնշյալ երկրներից, հասանելի էր ԱՄՆ–ում։

«Արտադրվող արտադրանքի որակի ներքին վերահսկողության ընթացքում Nokia–ի մասնագետները որակի պոտենցիալ խնդիր են հայտնաբերել այլ արտադրողի կողմից Lumia 2520 պլանշետի համար АС-300 արտադրած լիցքավորող սարքերում։ – Որոշակի պայմաններում մի շարք լիցքավորիչներում կարող է կատարվել AC-300–ի հանվող պլաստիկ մասի անջատում։ Միաժամանակ հնարավոր է լիցքավորող հատվածի ներքին բաղադրիչների մերկացում, ինչը կարող է առաջացնել էլեկտրական հոսանքահարման վտանց ներքին տարրերի հետ շփման դեպքում, եթե լիցքավորիչը միացած է ցանցին»։

Ընկերությունում ավելացրել են, որ ներկայում իրենք չեն ստացել ոչ մի բողոք` կապված այդ խնդրի հետ։ Վաճառքների վերականգնման ժամկետները չեն հստակեցվում։ -0-

Ծանոթացեք լուրերին առաջինն ու քննարկեք դրանք մեր Telegram-ում

12:50 18.04.2014