iOS –ի համար նախատեսված Abbyy Business Card Reader–ը «սովորել է» ակնթարթորեն ճանաչել այցեքարտերը

ԵՐԵՎԱՆ, 21 մայիսի. /ԱՌԿԱ/. Abbyy ընկերությունը թողարկել է iOS–ի համար նախատեսված Abbyy Business Card Reader այցեքարտերի բազմաֆունկցիոնալ սկաների նոր տարբերակը։ Հիմա iOS պլատֆորմով աշխատող սարքերի տերերը կարող են գրեթե ակնթարթորեն ճանաչել այցեքարտերն ու պահպանել տվյալներն այցեքարտերի թվայնացման ավտոմատացված գործընթացի շնորհիվ, Cnews–ին տեղեկացրել են Abbyy–ից։

Նախորդ  տարբերակի հետ թվային կապ ստանալու համար անհրաժեշտ էր անցկացնել մի շարք գործողություններ` լուսանկարել այցեքարտը, ստուգել նշված մասն ու պահպանել կատարված փոփոխությունները։ Նոր տարբերակի դեպքում բավական է միայն տեսախցիկն անցկացնել այցեքարտի վրայով։ Սահմանների ֆոկուսավորումը, ֆոնի ընտրությունն ու այցեքարտի ճանաչումը տեղի է ունենում ավտոմատ։ Օգտատերն այդ ամենի համար լրացուցիչ քայլեր չի կատարում։ Եթե ստացված պատկերը բավականին հստակ չէ, ծրագիրը կառաջարկի անել նոր լուսանկար, հաղորդում է cnews.ru–ն։

«Նոր տարբերակում մենք որոշեցինք Abbyy Business Card Reader–ը դարձնել հնարավորինս հարմար, իսկ ճանաչման գործընթացը` հնարավորինս արագ։ Նոր այցեքարտ ավելացնելու համար օգտատերը պարզապես պետք է բացի հավելվածն ու պահպանի ստացված տվյալները։ Պետք չէ կատարել որևէ լրացուցիչ գործողություն», – ասել է Abbyy ընկերության բջջային ապրանքների և Lingvo–ի դեպարտամենտի տնօրեն, փոխնախագահ Արտյոմ Կումպելը։ «Եթե ավելի վաղ տեսախցիկի բացումն ու ճանաչված տվյալների ներկայացումը տևում էր 6 վայրկյան, ապա հիմա այդ ամենի համար պահանջվում է ընդամենը 2,5 վայրկյան»։ –0–

Ծանոթացեք լուրերին առաջինն ու քննարկեք դրանք մեր Telegram-ում

12:50 21.05.2015