Nanalong senador ipoproklama sa susunod na linggo
MANILA, Philippines - Inihayag ng Commission on Elections (Comelec) Chairman Andres Bautista na posibleng maiproklama na ang mga nanalong senador sa susunod na linggo dahil kailangan pang hintayin ang resulta ng botohan sa mga lugar na pagsasagawaan ng special elections ngayon (Mayo 14) sa ilang lugar sa Visayas at Mindanao.
Umaabot sa 19,791 ang inaasahang boboto ngayon sa 14 na bayan at 55 clustered precinct na kinabibilangan ng mga Cordova, Cebu; Maitum, Sarangani; Sta. Cruz, Marinduque; Aniniy, Antique; San Remigio, Lope de Vega, Northern Samar; Matuguinao, Western Samar Binidayan, Lanao del Sur; Pata, Sulu; Panglima Estino, Sulu; Amparan, Lanao del Sur; Sultan Kudarat, Maguindanao; Loreto, Agusan del Sur; at Hinigaran, Negros Occidental.
“Hindi pwede this weekend (ang proclamation) kasi meron pa tayo special polls,” ani Bautista.
Ayon naman kay Comelec Commissioner Rowena Guanzon, maaaring iproklama ang mga nanalo sa May 17 o May 19.
Ilan sa mga dahilan ng special elections sa lugar ay ang kakulangan at maling delivery ng official ballots.
Sa ilalim ng Omnibus Elections Code kailangan na isagawa ang special elections sa loob ng 30 araw.
- Latest
