‘Wag ipanakot ang ‘No-El’
MANILA, Philippines – Imbes manakot na hindi matutuloy ang eleksiyon sa Mayo sa ilang lugar sa bansa ay dapat gawing lahat ng Comelec ang paraan para matiyak na sabay-sabay na maidaraos ang halalan sa Mayo 9, 2016.
Ayon kay Senate President Franklin Drilon, bahagi ng trabaho ng Comelec na tiyaking matutuloy ang malinis, maayos at credible na eleksiyon sa bansa base na rin sa isinasaad ng Konstitusyon.
Maliwanag aniya sa batas na dapat gawing “simultaneous” o sabay-sabay ang eleksiyon sa lahat ng lugar sa bansa at maari lamang itong ipagpaliban dahil sa mga “exceptional cases”.
Kabilang sa mga sinasabing exceptional cases ang violence, terrorism, pagkawala o pagkasira ng mga election paraphernalia o records, force majeure, at iba pang dahilan na kahalintuald ng mga nabanggit.
“Failure to execute this very mandate is a violation of the Constitution,” ani Drilon.
Sa pahayag ni Comelec Commissioner Arthur Lim, dahil sa delay ng printing ng mga balota bunsod ng “system incompatibility” maaring hindi matuloy ang eleksiyon sa ilang lugar sa Mayo 9.
Naniniwala naman si Drilon na sapat pa ang oras para sa pag-iimprenta ng mga balota.
Sa halip aniyang palutangin ng Comelec ang pagpaliban ng eleksiyon sa ilang lugar, mas dapat pagtuunan ng pansin ng komisyon ang paghahanap ng solusyon sa problema.
- Latest