Henares magreretiro kasabay ng pagtatapos ng termino ni PNoy

MANILA, Philippines – Nais nang magpahinga ni Bureau of Internal Revenue (BIR) Commissioner Kim Henares, kung saan nakatakda siyang retiro sa Hunyo 30.

Sinabi ni Henares na wala pa siyang plano pagkatapos ng kaniyang pagbaba sa pwesto kasabay ni Pangulong Benigno Aquino III.

Hindi rin niya masagot kung babalik ba siya sa gobyerno kung ayain man ng susunod na pangulo na uupo kasabay ng kaniyang pag-alis.

“Please don’t ask presidential candidates if they will retain me. I’m looking forward to retiring on June 30,” wika ni Henares sa isang ulat sa radyo.

“Let’s cross the bridge when we get there. I have no answer for you. Remember, I never say never. But the default mode is on June 30, we step down, and I’m looking forward to resting,” dagdag niya.

Samantala, inamin din ni Henares na inalok siya ni Aquino na tumakbo bilang senador ngunit tinanggihan niya ito dahil ayaw niyang masangkot sa politika.

“There were invitations to run for the Senate, but I turned them down because I don’t want to be involved in all these election brouhaha. Despite that, I’m still being dragged into it.”

Mula nang hawakan ni Henares ang BIR ay halos na doble ang koleksyon ng buwis ng bansa kumpara sa mga nakaraang administrasyon.

Naitala ang P750 bilyon na koleksyon noong 2009 at patuloy ang pagtaas nito kada taon – 2010 (P823 bilyon), 2011 (P924 bilyon), 2013 (P1.217 trilyon), 2014 (P1.335 trilyon) at 2015 (P1.442 trillion).