VivaCell-MTS-ը ներդրել է ավելի քան 228 մլն դրամ բնակարանաշինության ծրագրում
VivaCell-MTS-ի և «Ֆուլեր Տնաշինական Կենտրոնի» համագործակցության շնորհիվ, բնակարանաշինության ծրագրի արդյունքում, ավարտվել է Վայոց Ձորի մարզի սահմանամերձ Խաչիկ համայնքում կիսակառույց երկու տան շինարարություն և մեկ տան տանիքի վերանորոգում։
Համագործակցող կազմակերպությունների ղեկավարներն այցելել են Խաչիկ համայնք՝ բնակարանամուտի ուրախությունն ընտանիքների հետ կիսելու համար:
«Խաչիկ համայնքն առաջին անգամ չէ VivaCell-MTS-ի ուշադրության կենտրոնում: Տարիներ առաջ մենք այստեղ ջրագիծ ենք կառուցել, խաղահրապարակ ստեղծել, շտապ օգնության մեքենա տրամադրել: Ձգտել ենք լուծել այն խնդիրները, որոնք առավելապես անհանգստացրել են սահմանամերձ այս գյուղին», – նշել է VivaCell-MTS-ի գլխավոր տնօրեն Ռալֆ Յիրիկյանը։
Նա վստահություն է հայտնել, որ այսօրինակ ծրագրերով հայրենակիցների կողքին կանգնելու պատրաստակամությունը ոչ միայն սոցիալական, այլև ռազմավարական կարևոր քայլ է:
VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին:-0-
Ծանոթացեք լուրերին առաջինն ու քննարկեք դրանք մեր Telegram-ում
18:36 09.02.2016