Benguet mayor kulong ng 18 years

MANILA, Philippines – Hinatulan ng Sandiganbayan na makulong ng 18 taon dahil sa malversation si dating Bakun mayor Bartolome Sacla, Sr. at municipal treasurer Manuel Bagayao.

Ang kaso ay nag-ugat nang magpalabas ang mga ito ng P5 milyong tseke ng walang kaukulang dokumento.

Bukod sa kulong, ang mga akusado ay hindi na rin pinapayagan na humawak ng anumang posisyon sa gobyerno at pinagmumulta rin ng P5 milyon kada isa.

Hindi naman pinaniwalaan ng korte ang pahayag ni Sacla na ang naipalabas na pondo ay pambayad sa medical supplies ng bayan dahil wala itong naipakitang dokumento na naipamahagi ang naturang supplies.

Ang malversation public funds ay ang paggamit ng pondo ng pamahalaan na hindi naman napakinabangan ng mga benepis­yaryo nito ang proyekto.