8,000 Philippines, US troops sasabak sa Balikatan war games
MANILA, Philippines – Umaabot sa mahigit 8,000 tropa ng mga sundalong Pinoy at Amerikano ang sasabak sa Phl-US Balikatan 2016 joint military exercises sa susunod na buwan.
Ayon kay Captain Celeste Frank Sayson, spokesman ng Phl Balikatan 2016, nasa 3,773 tropa ng AFP at 4,904 sundalong Amerikano ang lalahok ngayong taon sa iba’t ibang aktibidades ng war games.
“Aside from this figures, their will be a support elements doing the leg work, and one of the highlights would be the live fire exercise in Crow Valley, Tarlac. We will work shoulder to shoulder,” ani Sayson.
Bukod dito ay nasa 80 Australian troops ang magpapartisipa rin sa Phl-US joint military training exercises na magbubukas sa Abril 4-15 ng taong ito.
Bagaman sa Abril 4 pa ang pormal na pagbubukas ng nasabing war games ay nagsimula na ang civic community projects tulad ng pagkukumpuni ng mga eskuwelahan gayundin ang medical engagements sa mga komunidad ang US troops at mga counterpart nito sa Panay Island kamakalawa.
Inihayag pa ni Sayson na ito rin ang kauna-unahang pagkakataon na maraming mga bansa ang magsisilbing observers ng Phl-US Balikatan war games.
Kabilang sa mga bansang inimbitahan ng AFP ang Japan, Brunei, Cambodia, Indonesia, Laos, Malaysia, Singapore, Thailand, India, South Korea at Timor-Leste.
Nabatid pa kay Sayson na aabot sa 55 aircrafts at naval vessels ang gagamitin ng US forces sa Balikatan 2016.
- Latest
