‘TESDAMan’ pilit winawasak
MANILA, Philippines - Sinimulan nang siraan si senatorial candidate Joel “TESDAMan” Villanueva dahil sa tumataas na ratings nito sa mga surveys.
May ilang sector na pilit sinisira si Villanueva na nasa winning circle sa isinagawang surveys ng Pulse Asia.
Aniya, mayroong nagsimulang kwestyunin ang pondo niya sa kampanya kung saan ay nais palitawin na ginagamit nito ang pondo ng Tesda sa pangangampanya.
Nilinaw ni Villanuea sa interview nito sa Headstart ANC, walang pondo na mula sa Tesda ang kanyang ginamit para sa kanyang kampanya.
Wika pa ng senatorial candidate, ginamit niya ang TESDA Man para sa kanyang kampanya pero walang pondo na nagmula sa ahensiya dahil wala daw pondo ang TESDA para sa mismong promosyon ng mga programs nito.
Idinagdag pa ni Villanueva, ang kanyang plataporma ay TESDA—Trabaho, Edukasyon, Serbisyo, Dignidad at Asenso.
Inamin din nito na naiilang siya sa ilang kasama niya sa Liberal Party (LP) kung saan ay mayroong pilit siyang inilalaglag sa ticket.
Bukod sa pagiging kandidato ng LP personal na inendorso din ito ni Manila Mayor Erap Estrada.
- Latest