Pabahay sa sundalo, pulis parang ‘bahay kalapati’
MANILA, Philippines – Mistulang “bahay kalapati”ang mga ipinapatayong pabahay ng gobyerno para sa mga miyembro ng Armed Forces of the Philippines (AFP) at Philippine National Police (PNP).
Ganito isinalarawan nina Magdalo partylist Reps. Gary Alejano at Ashley Acedillo, ang mga pabahay ng gobyerno para sa sundalo at pulis.
Dahil dito kaya hiniling nina Alejano at Acedillo sa Kamara na imbestigahan ang umano’y substandard na housing units na programa ng National Housing Authority (NHA) para sa AFP at PNP, partikular na ang mga itinayo sa Baras, Rizal at Manolo Fortich, Bukidnon.
Sa ginawang aktwal na inspeksyon, bukod sa walang tubig at kuryente, ang pundasyon at dingding ng mga bahay ay hindi kumpletong sementado.
Bukod ditto substandard din umano ang construction ng septic tank at walang access sa mga social services tulad ng mga ospital at paaralan.
Giit ng mga kongresista, hindi makatao ang kondisyon ng pabahay para sa mga sundalo at pulis na nagsakripisyo at nagbubuwis ng kanilang buhay para sa bayan kaya dapat itong imbestigahan ng Kamara.
- Latest
