Tax evasion vs Philrem
MANILA, Philippines – Sabit sa tax evasion ang remittance company na Philippine Remittance Co. (Philrem) matapos masilip ng Bureau of Immigration (BIR) na hindi sila nakarehistro para magpalit ng pera.
Sinisingil ng BIR ang Philrem ng P35.61 milyon na sakop ang taong 2005 hanggang 2014 dahil sa hindi pagbabayad ng buwis. Kasama na sa naturang halaga ang surcharge at interest.
Inireklamo rin ng BIR ang presidente ng remittance company na si Salud Bautista at treasurer na si Michael Bautista.
BASAHIN: Philrem hindi rehistradong remittance company – BIR
"The gross failure of Philrem to register, declare and pay the (gross receipt tax) showed a clear intent and purpose on its part to evade the payment of the correct amount of taxes," pahayag ng BIR.
"Further, its failure to update its registration with the BIR made it liable for unlawful pursuit of business," dagdag nila.
Sa pagharap ni BIR commissioner Kim Henares sa imbestigasyon ng Senado sa $81 milyon money laundering isyu ay sinabi niyang nakarehistro bilang land transportation transaction firm ang Philrem at hindi remittance company.
Inamin ng Philrem sa pagdinig na pinalitan nila ang $81 milyon na galing sa Rizal Commercial Bank Corp. sa branch nito sa Jupiter Street sa Makati.
Patuloy pa rin ang imbestigasyon sa isa sa pinakamalaking nakawan.
- Latest