JV Ejercito kinasuhan ng graft, malversation ng Ombudsman
MANILA, Philippines — Nahaharap ngayon sa kasong graft at technical malversation si Sen. Joseph Victor "JV" Ejercito matapos ireklamo ng Office of the Ombudsman sa Sandiganbayan.
Bukod kay Ejercito na dating alkalde ng San Juan City, 14 pang dating opisyal ng lungsod ang dawi sa technical malversation dahil sa ilegal umanong paggamit ng pondo ng lokal na pamahalaan.
Lumabas sa imbestigasyon ng Ombudsman na ginamit ni Ejercito ang calamity fund ng lungsod para bumili ng high-powered firearms na nagkakahalaga ng P2.1 milyon.
"Thereby applying said public fund for a purpose different from which such fund was intended and appropriated by law or ordinance," nakasaad sa reklamo ng Ombudsman.
Nakilala ang mga iba pang opisyal na sina dating San Juan City Vice Mayor Leonardo Celles, dating City Councilors Andoni Carballo, Vincent Pacheco, Angelino Mendoza, Dante Santiago, Rolando Bernardo, Grace Pardines, Domingo Sese, Francis Peralta, Edgardo Soriano, Janna Ejercito-Surla, Franciso Zamora, Ramon Nakpil at Joseph Torralba.
Dawit din sa graft sina Ejercito, dating City Administrator Ranulfo Dacalos, treasurer Rosalinda Marasigan, city attorney Romualdo Delos Santos, city budget officer Lorenza Ching at city engineer Danilo Mercardo dahil sa pagbili ng sub-machine guns sa kabila ng kawalan ng public bidding, post qualification at legal appropriation.
- Latest