LRT, MRT biyahe na bukas
MANILA, Philippines – Matapos ang apat na araw na tigil biyahe, lalarga na bukas (Lunes) ang Light Rail Transit (LRT) Line 1, Line 2 at Metro Rail Transit (MRT-3).
Sa advisory na ipinalabas ng Light Rail Transit Authority (LRTA) nabatid na magbabalik na sa operasyon ang LRT-1, LRT-2 at MRT-3 dakong alas-4:30 ng madaling araw sa Marso 28.
Ayon sa LRTA, ginugol nila ang apat na araw na bakasyon dahil sa holy week para isaayos ang ilang sira na kanilang nakita mula sa mga tren ng LRT at MRT, gayundin ang ilang sirang riles.
Layunin ng LRTA na walang magaganap na aberya sa pagbabalik sa biyahe ng LRT at MRT kaya sila nagsagawa ng maintenance work.
Huwebes Santo itinigil ng LRT at MRT ang kanilang biyahe bunsod ng mahal na araw.
Ang MRT-3 ay nag-uugnay sa Taft Avenue, Pasay City at sa North Avenue sa Quezon City via Epifanio delos Santos Avenue (EDSA).
Habang ang LRT-1 ay nag-uugnay sa Roosevelt Ave., Quezon City hanggang sa Baclaran, Parañaque.
Samantala ang LRT-2 ay bumibiyahe sa Recto Avenue sa Maynila hanggang sa Santolan, Pasig City.
- Latest