«Вконтакте» սոցցանցում ավելի քան 226 հազար account է սառեցվել
ԵՐԵՎԱՆ, 16 սեպտեմբերի. /ԱՌԿԱ/. «Вконтакте» սոցցանցում ավելի քան 185 հազար account է սառեցվել, որոնք կապված են Mail.ru փոստային համակարգին, ինչպես նաև՝ 31 հազար account, որոնք կապված են «Яндекс.Почта» փոստային համակարգին և ևս 10 հազար account, որոնք կապ ունեն Gmail համակարգի հետ: Ինչպես գրում է «ՌԻԱ Նովոստին», այս մասին Twitter-ի իր էջում տեղեկացրել է սոցցանցի մամուլի քարտուղար Գեորգի Լոբուշկինը:
«Вконтакте» սոցցանցը account-ների տերերին հաղորդագրություն է ուղարկել գաղտնաբառը փոխելու անհրաժեշտության մասին: Ինչպես նշել է Լոբուշկինը, սառեցումը կապված է նաև այն բանի հետ, որ շատ օգտատերեր օգտագործում են միևնույն գաղտնաբառը «ВКонтакте» սոցցանցի և էլեկտրոնային փոստի համար:
Նախորդ շաբաթ համացանցում հրապարակվել էր Google-ի Gmail փոստային ծառայության գրեթե 5 մլն օգտատերերի, Mail.ru -ի օգտատերերի 4,5 մլն account-երի և «Яндекса» համակարգի ավելի քան 1 մլն օգտատերերի գաղտնաբառերի և գաղտնանունների տվյալների բազան:-0-
Ծանոթացեք լուրերին առաջինն ու քննարկեք դրանք մեր Telegram-ում
14:57 16.09.2014