Twitter–ը թանկացել է 30%–ով դրական վիճակագրության պատճառով

ԵՐԵՎԱՆ, 30 հուլիսի. /ԱՌԿԱ/. Twitter միկրոբլոգերի ծառայության բաժնետոմսերը նախօրեին աճել են 30 տոկոսով` վերլուծաբանների ակնկալիքները մի շարք չափանիշներով զգալիորեն գերազանցած եռամսյակային հաշվետվության հրապարակումից հետո։ Եվ դա չնայած նրան, որ «լուսավոր ապագայի» հստակ գիտակցում, որին հավատում է Twitter–ի ներկայիս ղեկավարությունը, ներդրողները մինչ օրս չունեն։

Երկրորդ եռամսյակում ընկերությունը 312 մլն դոլարի հասույթ է ունեցել (124 տոկոսով ավելի, քան մեկ տարի առաջ), ինչպես նաև հաշվետվություն է ներկայացրել մինչև 271 մլն լսարանի ամսական աճի մասին (24 տոկոսով ավելի, քան 2013 թվականի երկրորդ եռամսյակում)։ Բայց ամենից կարևոր է, որ Twitter–ը մեկ բաժնետոմսի համար մինչև երկու ցենտի եկամուտ է ցույց տվել` վերլուծաբանների սպասած մեկ տոկոս վնասի դիմաց, հաղորդում է hitech.vesti.ru–ն։

Բացի այդ, Twitter–ը բարձրացրել է այս տարվա հասույթի և շահույթի կանխատեսումները, ինչը չէր կարող չոգեշնչել ներդրողներին։ Նրանցից շատերն արդեն չէին սպասում, որ ծառայությունը կարող է հաղթահարել վնասները և վերածվել կայուն զարգացող բիզնեսի։ Միաժամանակ, Facebook հսկայական մրցակցի ֆոնին (ամսական լսարանը`1,3 մլրդ, $3 մլրդ գովազդային եկամուտներ) Twitter–ի հաջողությունները խամրում են։-0-

Ծանոթացեք լուրերին առաջինն ու քննարկեք դրանք մեր Telegram-ում

13:40 30.07.2014