Yahoo!-ի եռամսյակային շահույթը կազմել է 6,8 մլրդ դոլար
ԵՐԵՎԱՆ, 22 հոկտեմբերի. /ԱՌԿԱ/. 2014 թ.-ի երրորդ եռամսյակում Yahoo!-ի զուտ շահույթը կազմել է 6,8/ մլրդ դրամ՝ մեկ տարի առաջ գրանցված 297 մլն դոլարի համեմատ: Ցուցանիշը ներառում է Alibaba Group-ում մասնաբաժնի վաճառքից ստացված գումարը: Ընկերության հասույթը կազմել է 1,148 մլրդ դոլար՝ մեկ տարի առաջ գրանցված 1,139 մլրդ դոլարի համեմատ: EBITDA-ի սրբագրված ցուցանիշը նվազել է 8 տոկոսով՝ հասնելով 306 մլն դոլարի, հաղորդում է «Վեդոմոստի»-ն:
Yahoo! որոնողական համակարգի հասույթը տարեկան կտրվածքով ավելացել է 4 տոկոսով՝ հասնելով 452 մլն դոլարի: Գովազդից ստացված եկամուտները կրճատվել են 6 տոկոսով՝ մինչև 396 մլն դոլար: Բջջային ծառայություններից ստացված հասույթը կազմել է 200 մլն դոլար:
Alibaba Group-ի IPO-ի պահին Yahoo!-ին է պատկանել չինական ընկերության 22,6 տոկոսը կամ 523,6 մլն բաժնետոմս, այնուհետև նա վաճառեց 140 մլն արժեթուղթը, և հիմա Yahoo!-ն ունի Alibaba Group-ի 383,6 մլն բաժնետոմս:-0-
Ծանոթացեք լուրերին առաջինն ու քննարկեք դրանք մեր Telegram-ում
13:48 22.10.2014